Kacivaka o McKee na lewe ni timi ni Viti

ESA mai kacivaka na yacadra na cauravou dauqito me ra na lewena na timi ni Viti ko John McKee na dauniveivakatavulici ni timi ni Fiji Airways Flying Fijians ena vuku ni sotasota ni 2018 Pacific Nations Cup kei na qito ni valataki vanua ena Jiune.

E tukuna o McKee ni ra a vakamuria sara tikoga vakavinaka na nodra qito na cauravou dauqito ka ra sa mai digitaki qo ena sotasota ni 2018 PNC ka ra na qito tiko ena tolu na qito ena ANZ Stadium e Suva kei na Churchill Park e Lautoka ena Jiune.

Na timi ni Viti, Toga kei Samoa ka na veitomani tale tikoga kina na timi ni Georgia ena qito ka na vakayacori tiko ena Jiune. E kaya o McKee ni qito ena vakayacori tiko ena Jiune ena dua na bolebole levu tiko ka rui bibi sara vua na timi ni Flying Fijians.

E kaya ni se vo tikoga qo e 18 na vula me na vakayacori na qito ni vuravura ena 2019, e bibi kina na valataki vanua ena Jiune qo vei Viti ena vuku ni a liu tiko ena wasewase na Tier 2 ka vakanamata tiko na vakavakarau ki na qito ni rakavi tinikalima ni vuravura ena yabaki mai qo.

E kuria o McKee ni a vinaka na nodratou qito ena 2017 ka dodonu me ratou na vakavinakataka cake tale ena yabaki qo. E tukuna talega o koya ni nodratou vakarau ni qito na timi ni Viti me na toso cake tikoga me yacova sara yani na 2019 ka me rawa ni na yacova e dua na vanua vinaka o Viti ena qito ni vuravura.

E kaya ni na vinaka talega vei ira na dauqito era tiko mai valagi na nodra yaco mai ena noda vanua ena kena vakarautaki na qito. Tukuna talega o McKee ni sa na sala talega ni nodra vakaraitaki ira na dauqito e Viti ena veisotasota e vakayacori tiko qo.

Na yacadra na dauqito ka ra sa digitaki:
Loose Head Prop – Campese MaĆ”fu, Peni Ravai, Eroni Mawi.

Hooker – Tuapati Talemaitoga, Ratunaisa Navuma, Tuvere Veremalua.

Tight Head Prop – Ropate Rinakama, Kalivati Tawake, Manasa Saulo.

Lock – Sikeli Nabou, Leone Nakarawa, Api Ratuniyarawa, Albert Tuisue.

Back Row – Dominiko Waqaniburotu, Viliame Mata, Mosese Voka, Nemani Nagusa, Akapusi Qera.

Half Back – Henry Seniloli, Frank Lomani, Serupepeli Vularika

Scrum Half – Ben Volavola

Centre – Jale Vatubua, Sevanaia Galala, Semi Radrara

Wing – Vereniki Goneva, Josua Tuisova, Nemani Nadolo, Timoci Nagusa
Full Back – Kini Murimurivalu

Dauqito tu vakawawa – Eremasi Radrodro, Nikola Matawalu, Eroni Vasiteri, Patrick Osbourne, Benito Masilevu, Seta Tuicuvu

Dauqito era mavoa tiko – Tevita Cavubati, Peceli Yato, Levani Botia.

More Stories