Na Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu i Kavitu Ni Lesu Vakarua Mai, ni wiliwili sara yani.

E Lewe Vica Sa Tiko Mai Eli?
1. A sala cava era muria tiko na lewe vuqa?
“Ka raba i levu na sala, sa basika ki na rusa, a ra sa lewe vuqa sa curu kina, ni sa qiqo na matamata ni koro, ka rabailailai na sala ki na bula, a ra sa lewe lailai sa kunea.” Maciu 7:13, 14.

Oqo na vosa nei Jisu. Era lewe vuqa na i valavala ca mai vei ira na i valavala dodonu era tiko e na vuravura oqo. Ko ira kece era sega ni muria na sala dodonu era na yali.

Era na sega ni kune mai lomalagi se na vuravura vou. Ko ira era sega ni kauwaitaka me ra na yali talega. E na sega ni rawa ni vakabulai ira na Turaga.

Eso na lotu era vakatavuvulitaka, ni sa mate e dua sa gole sara ga ki Eli. E kea sa tekivu me kama tiko me tawa mudu. Na lotu vaka Iceni era a vakatavuvulitaka mai oqo me udolu na yabaki, ka sa tekivu me curu ki na lotu va-Karisito. A cava e kaya nai Vola Tabu me baleti Eli?

2. E na tekivu ena gauna cava na nodra kama ko ira nai valavala ca?
“Ia, na lomalagi kei na vuravura sa tu e daidai, sa maroroi ga e na vosa talega ko ya, sa maroroi ki na bukawaqa me yaco mada na siga ni lewa kei na veivakarusai ni tamata tawa lotu.” 2 Pita 3:7.

E vakaraitaka ko Pita ni na vakasavasavataki na vuravura e na buka waqa. Na ka oqo e vakaraitaka talega ko Paula e na Cakacaka 24:25. Era na lewai nai valavala ca e na veilewai mai lomalagi ni oti kece oqori era sa na qai totogitaki.

3. E na gauna cava e kaya ko Jisu me ra na totogitaki kina na i valavala ca?
“Ni na lako mai na luve ni tamata e na i ukuuku nei Tamana, kei ira vata kaya na nona agilosi e na qai sauma ko Koya vei ira na tamata yadua me vaka na nodra i valavala.” Maciu 16:27.

Oqo e dua na tikina e dodonu me da kila.

Ni na sega e dua e na taura na kena i sau me yacova na gauna sa na lesu mai kina ko Jisu kei ira na Nona agilosi. Ko ira na mate era sa sega ni tiko e na vanua ka vakatokai ko Eli.

“Sa i koya oqo e na lewai koya e na siga mai muri.” Joni 12:48.

E vakaraitaka ko Jisu ni ra na qai totogitaki na i valavala ca ena siga mai muri. Oqo ena i vakataotioti kei vuravura. Na tamata e mavoa e na dua na vakacalaka ka ciba, ni sa kilai yalona tale, e sega ni kila e dua na ka e na gauna ka ciba koto kina.

E na i Vola Tabu e tukuni kina na ka e baleti Lasarusa.

Ni a mate ka bulu bogi va a qai vakaturi koya ko Jisu.

E sega ni bau tukuna ko Lasarusa e dua na ka e baleti lomalagi se dua na ka e baleti eli.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.